1/
Estropadak izandu
dira Donostia'n,
milla bederatzi berrogei ta
batgarren urtian. Ja, jai!
2/
Agorraren zazpiyan,
Kontxaren erdira,
irurogei ta emezortzi gizon
inguratu dira.
3/
Patroiakin amairu
ontzi bakoitzian;
agiri ziran iru baliza
Gaztelu atzian.
4/
Makiñatxo bat giñan
aieri begira,
ikusi naian zeiñ irixten zan
lenbizi arraira.
5/
Estropada bietan
ona zan girua;
portalietan, beti bezela,
bentajan dirua.
6/
Ilusio geiegi
zutenak buruan,
mingaña gaizki dantzatu zuten
nere inguruan.
7/
Egun artan San Juan
probaturik ondo,
Ondarrabia'k zuan bentaja
zan iru segundo.
8/
San Juan'ek arrauna
jaso ta esan du:
«Gure markarik oraindik ez du
iñork ere ondu.»
9/
Milla bederatzireun
ogei ta iruan,
Matxet giari, etzan atsegiñ
aien inguruan.
10/
Urrengo igandian
batzuek irrintzi,
eta bestiak eziñ txistua
zutela irintxi.
11/
San Juan zan arraira
iritxi lenbizi;
segundo batez Ondarrabia'k
zion irabazi.
12/
Aurten, bene-benetan
etorririk billa,
ditu bandera eta pezetak
emezortzi milla.
13/
Beti saiatu dira
arrokeri gabe;
aurten lenbizi dira bandera
sedazkuan jabe.
14/
Oiek beti portatu
diran edo ez jator,
dudan dagoana dakianari
galdetzera betor.
15/
Izan arren aizia
eta olatuak,
ontziya zuzen giatu zuan
zuten pilotuak.
16/
Saiatu, mariñelak,
jator berriz ere,
gorrotu gabe bizi-moduan
alkarri mesere.
Bertso-papera, «Imp. Macazaga. - Rentería"
Arizkun'go baserri batetik.
