1/
Erle txintxuak zelaian danik
lore obena biltzen du,
eta gero ezti goxua egiten
guziak alkar lagundu;
orregatikan oiek ez dute
alperrikan nai mantendu;
obe genduke kristandadian
lege au jarriko bagendu.
2/
Erletxo oiek eztiya eiteko
lore goxuak bezela,
basarritarrak biltzen zituzten
ote ta garo ta orbela,
gero. ukulluan gozatuta
sendotzeko lur argala;
kaletarrentzat zekor ederrak
azten zituzten orrela.
(*) lehen bi bertso hauek
"Gure kopetak izardituta"-ko
bigarren eta hirugarrenaren berdinak
3/
Saiatzen dira, kalian gu lo
soseguz gauden garaian,
ogi zuria izan dezagun
garia eraiteko laian,
eta zekorrak azteko biltzen
belar goxuak zelaian,
uda berrian birigarruak
bezin umore alaian.
4/
Kaletar askok jeiki baño len
Jaunari maldiziua,
zintzo saiatu nai duteneri
galazi deboziua;
sube gorriak diruditela
zitala intentziua;
barku zar baten enbarkatzeko
ai zer tripulaziua!
5/
Eltxuak beziñ ugari gera,
bertakuentzat lanik ez,
zitalkeria dala meriyo
espero izatia nekez;
okasiua jartzen dutenak
lenbailen balijuakez,
pake santuan emengo lanak
errex egingo giñukez.
6/
Zori gaiztoko iruripenak
dira oiek dituztenak:
kristaduak ill, etxiak erre
ta deskarrillatu trenak;
jakintsuak ustez maisu oieri
erakutsi dizkatenak,
dira Jaizkibel'ko artzaiak baño
gutxiago dakitenak.
7/
Lengo zarrekiñ aspertu eta
berriak mandamentuak
ikasten asi, arrazkeroztik
indarra du gorrotuak;
konseju berri oiez gañera
erari bataiatuak,
oientxengatik lautatik iru
gaude erdi erotuak.
8/
Okasiora birian jartzen
dituzte atzetik zirika,
mutill koskorrak mozkortu eta
aitari izketan ika;
pake santuan goiz ele izara
dijuanari arrika;
guardia .zibillak biarko dira
baten lekuan amaika.
9/
Arano'tikan Joxe Manuel
Donostia'ra etorri,
arrazkeroztik askoren gisa
gorrotu dio urari;
gezur galantak tabernan entzun
ta egiak dirala iruri,
len umilla zan ta orain zakur
amorratua diruri.
10/
Ajolarikan etzaiotenak
korajia bekokian,
gezur kontari aterik ate
txanponak bildu eskian;
lanian zintzo ai diraneri
utzi nai-ezik pakian;
ez dute asko pensatzen gero
zer gerta tu lezakian.
11/
Ta beste asko jauntxo badira··
erruki gabe pobriak,
lanikan egin gabe diranak
gauza askoren jabiak;
biJdu dituzten urre-zillarrak,
nikelak eta kobriak,
orain, bildurrak, dauzkate kajoi
burnizkuetan gordiak.
12/
Jan eta eran obenetikan
eztarriraño aseta,
zigarro puro aundia erreaz
letu Norteko Gazeta,
aste guzia alperkerian,
igandian goiz mezeta,
langillieri esan jornala
aski. dala sei pezeta.
13/
Afrika, Europa, Asia, Ozeania,
ez eta ere Amerikan,
Jaun Zerukuak sortu arrazkeroz
munduan bat bakarrikan
ez da izandu bizi-moduan
besteren bear ez danikan;
umerik ez du azten kukuak,
arrautza egin bakarrikan.
Bertso-papera. «Imp. Macazaga. - Renteria-;
Tolosako Antonino Lakuntza zana.
Moldiztegi orrek berak ateratako beste paper
batean, sail ontako zazpi bertso arkitu ditugu:
3, 4, 5, 6, 7, 8, 9 ta ll'garrena. Ta, gañera,
beste auek:
1/
Ditugu ezagun: Luzuriaga
ta Orueta'ren moduan,
saiatzen dira Lasa, Yeregi,
jator Trintxerpe onduan;
Torrea y Bergara, Pako Andonegi
jauna dutela inguruan;
sei gizon jator txorakeri
gutxi dutenak buruan.
2/
Don Patrizio Etxeberria
ta don Ramon de la Sota,
borondatia duten bezela,
Euskal-Erria jasota;
jarrai zaiegun, dudarik gabe
biziko gera eroso-ta,
txit borondate egiazkuan
jator lanari erasota.
8/
Ortaiko batek zerbait eskatu
dit bere oitura moduan;
erantzun diot: .Nigana etorri
zera ordu beranduan;
jango dituzu, juaten bazera
Ernio'ra Abenduan,
ginga goxuak kuku ta xoxo
kantari alaien onduan .•
9/
Aterik ate gezur kontari
dirua hiltzen dutela,
gezurrezkua errezioaren
billa juateko txartela;
ogiazkua erri ta erri
eman nai ez diotela.
gauzak nik dakit garbi esaten
ez naizelako totela.
10/
Lenago morroi txarrak ziranak
daduzkagunak nagusi.
ez dituztenak kredua eta
ato pedekua ikasi;
Euskalerrian euskalduneri
lana egitia galazi.
eta nagiak zintzuen ordez
patronueri arrazi.
13/
Joxe Manuel. ator nigana.
konseju txiki au aizak:
mozkortu eta Larramendiko
tabernan igande-goizak;
arrokerian esan dek: Ez nau
azpian artuko eleizak!.
Beste batzuek i erotua
zer kulpa ditek apaizak?
14/
Ziaro aztu gabe antziñako
gure usario txukunak.
euskal baratza eder onetan
txit komeni zaizkigunak.
alkarrengana gorrotu gabe
obe degu izan lagunak.
pake santuan igaro'itzagun
jaio ta ill arteko egunak.
Bi paperetan dauden bertsoak. aldaketa auek
clauzkate bigarrengo ontan: 3/5: eta zekorrak az-
teko belar; 3/6: goxuak biltzen zelaian; 3/7:
birigarruak uda herrian; 5/5: Polo y Conceiro.
Truji1Io y Pérez; 5/6: Totorica y Manriquez; 5/7:
etO'rri ziran biretik oiek; 5/8: guziak balijuakez;
7/7: oietxengatik uste det asko; 7/8: gaudela
erdi erotuak; 9/2: Donostia'ra igari; 9/4: etorri
zlln da askoren gisa; 9/5: gezur galantak entzun
taheman; 9/6: egiak dirala iruri; 11 /1: Ta beste
asko ditugu ezagun.
